"БАЙШИН ОРОН СУУЦНЫ ТООЛЛОГО" хангайн бүсийн аймгуудад явагдаж байна.

Нийтэлсэн: 2019 он 08 сар 20. 08 цаг 31 минут
БОСТ-2019-д аймгийн Засаг даргаар ахлуулсан аймгийн тооллогын комисс, 20 сум, 105 багийн Засаг даргаар ахлуулсан тооллогын комисс, түр товчоод ажиллаж байгаа бөгөөд тооллогын зохион байгуулалтыг аймгийн Статистикийн хэлтэс хариуцан ажиллаж байна. Аймгийн хэмжээнд байшин орон сууцны тооллогод аймгийн хэмжээнд 32 тоологч бэлтгэгдэн шалгалтаа амжилттай өгч, гэрээгээ хийн хуваарийн дагуу сум, орон нутагт ажиллаж эхлээд байна. Байшин орон сууцны тооллогоор анх удаа баг, сум, аймаг, улсын хэмжээнд бүх айл өрхийн сууцны төрөл, нөхцөл, байшин орон сууцны мэдээллийн сан, фонд үүсч байгаараа онцгой ач холбогдолтой юм. Тооллогын үр дүн, тайлан мэдээлэл нь улс, аймаг, сум багийн төлөвлөлт, хөгжлийн төлөвлөгөөний үндсэн суурь бааз болох бөгөөд улсын хэмжээнд анх удаа анхан шатны нэгж болох баг, сумын хэмжээнд хаягийн зурагт суурилсан цахим мэдээллийн сан бий болж байна.
Дэлгэрэнгүй

БАЙШИН ОРОН СУУЦНЫ ТООЛЛОГЫН СУРГАГЧ БАГШ НАРЫН СУРГАЛТ БОЛЛОО.

Нийтэлсэн: 2019 он 08 сар 20. 07 цаг 54 минут
Архангай аймагт байшин орон сууцны тооллогын хангайн бүсийн сургагч багш нарын сургалт 2019 оны 8 сарын 8-11-ны хооронд боллоо. Сургалтыг ҮСХ-ны Хүн ам нийгмийн Статистикийн газрын Тооллогын товчооноос зохион байгуулав. Тус сургалтанд Баянхонгор, Архангай, Өвөрхангай, Хөвсгөл, Булган, Орхон аймгийн Статистикийн хэлтсийн дарга нар болон мэргэжилтнүүд оролцлоо.
Дэлгэрэнгүй

Мод тарив.

Нийтэлсэн: 2019 он 05 сар 29. 10 цаг 30 минут
Манай хэлтсийн хамт олон 2019 оны 5 сарын 21-22 өдрүүдэд өөрсдийн хариуцсан талбай болон Түйн голын дагуух шинээр байгуулж байгаа ногоон зурваст мод тарьж, усалгаа хийн арчиллаа. Энэ жилийн мод тарих үйл ажиллагаанд төрийн албан хаагчид маань идэвхи санаачилгатай оролцлоо. Бидний тарьсан мод сайхан урганаа.
Дэлгэрэнгүй

Сумдын Засаг дарга, Тамгын газрын дарга, Санхүүгийн албаны дарга нарт мэдээлэл өглөө.

Нийтэлсэн: 2019 он 05 сар 10. 02 цаг 55 минут
Статистикийн хэлтсийн дарга Х.Ганзориг 2019 оны 05 сарын 08-нд сумдын Засаг дарга, Тамгын газрын дарга, Санхүүгийн албаны дарга нарт Хүн ам, орон сууцны тооллого, Байшин, орон сууцны тооллогын талаар мэдээлэл хийлээ. ХАӨМС-ийн тодруулгын тухай товч мэдээлэл өгч, тодруулах шаардлагатай иргэдийн мэдээллийг яаралтай үнэн зөв гаргаж өгөх ажлыг зохион байгуулж, мэдээллийн сангаа шинэчлэх талаар чиглэл өглөө.
Дэлгэрэнгүй

Баянхонгор сумын ХАОСТ-ын комиссын хурал хийв.

Нийтэлсэн: 2019 он 05 сар 08. 08 цаг 32 минут
Баянхонгор сумын ХАОСТ-ын комиссын хурлыг 2019 оны 04 сарын 29 ны өдөр сумын Засаг даргын Тамгын газрын хурлын танхимд хийлээ. Тус хуралд Баянхонгор сумын Засаг дарга Ж.Мөнхсоёл, Тамгын газрын дарга Ц.Насанбаяр, Багийн Засаг дарга нар, багийн нийгмийн ажилтнууд, сумын улсын бүртгэгч Г.Бадамханд, статистик хариуцсан ажилтан Э.Мөнхтуяа, сумын Тамгын газрын бусад ажилтнууд мөн Статистикийн хэлтсийн дарга Х.Ганзориг, мэргэжилтнүүд оролцлоо. Хүн ам орон сууцны тооллого, байшин орон сууцны тооллогын талаар Статистикийн хэлтсийн дарга Х.Ганзориг дарга мэдээлэл хийж, тооллогын ажлын төлөвлөгөөг баталлаа.
Дэлгэрэнгүй

Статистикийн улсын байцаагч нар Баянлиг, Баянговь, Жинст суманд ажиллаа.

Нийтэлсэн: 2019 он 05 сар 06. 07 цаг 18 минут
Статистикийн улсын байцаагч нарын 2019 оны төлөвлөгөөний дагуу Эрүүл мэндийн газар, Боловсрол, соёлын газрын улсын байцаагч нарын хамт хяналт шинжилгээ, үнэлгээний ажлаар 4 сарын 16-20-ны хооронд Баянлиг, Баянговь, Жинст суманд ажиллалаа. Хяналт үнэлгээнд дээрх сумдын сумын ЗДТГ, Сургууль, Цэцэрлэг, Эрүүл мэндийн төв, Соёлын төв хамрагдаж захиргааны болон албан ёсны статистик мэдээ, тайлан түүний эх сурвалжууд болох анхан шатны маягт бүртгэлийн хөтлөлт, мэдээллийн баримжуулалт, мэдээ тайлангийн үзүүлэлт хоорондын уялдаа, удирдах ажилтны мэдээлэлд тавих дотоод хяналт, холбогдох эрх зүйн актуудын хэрэгжилт, тухайн байгууллагын тушаал, албан тоот, ирсэн явсан бичгийн бүртгэл зэргийг үзэж мэргэжлийн зөвлөгөө өгч ажиллав.
Дэлгэрэнгүй

ЖЕНДЭРТ СУУРИЛСАН ХҮЧИРХИЙЛЛИЙН СУДАЛГААНЫ ҮНДСЭН ҮР ДҮНГ ТАРХААХ СУРГАЛТ, ХЭЛЭЛЦҮҮЛЭГ БОЛЛОО.

Нийтэлсэн: 2019 он 04 сар 01. 02 цаг 34 минут
Баянхонгор аймгийн Засаг даргын Тамгын газрын хурлын танхимд Жендэрт суурилсан хүчирхийллийн судалгааны үндсэн үр дүнг тархаах сургалт, хэлэлцүүлэг 2019.03.29-нд боллоо. Уг судалгаа нь 2017 онд улс орон даяар явагдсан бөгөөд үр дүн нь 2018 онд гарч, Орон нутгийн бодлого боловсруулагч, шийдвэр гаргагч болон хэрэглэгчдэд танилцуулах, цаашид хамтран ажиллах, бодлогын зөвлөмж боловсруулах зорилготой байлаа. Сургалт хэлэлцүүлэгийг ҮСХ-ны Тамгын газрын дарга Ч.Цэвэгдоржоор ахлуулсан ажлын хэсэг, аймгийн Статистикийн хэлтэс хамтран зохион байгуулсан бөгөөд нийт төрийн болон төрийн бус байгууллагын 60 хүн сургалт хэлэлцүүлэгт оролцлоо.
Дэлгэрэнгүй

Баянхонгор сумын багуудын хилийн цэсийг шинэчилсэн тухай хурал боллоо.

Нийтэлсэн: 2019 он 03 сар 19. 01 цаг 49 минут
Баянхонгор сумын Тамгын газрын даргын өрөөнд 2019 оны 3 сарын 15-ны өдөр хурал боллоо. Тус хуралд Баянхонгор сумын Тамгын газрын дарга Ц.Насанбаяр, багийн Засаг дарга нар, Газрын харилцаа барилга хот байгуулалтын газрын дарга Т.Норов, мэргэжилтэн, Улсын бүртгэлийн газрын мэргэжилтэн Бямбаа, Статистикийн хэлтсийн дарга Х.Ганзориг, ахлах мэргэжилтэн Х.Оюунчимэг, Баянхонгор сумын статистикч Мөнхтуяа нар оролцлоо. Хурлаар багуудын цэсийг хэрхэн яаж хуваасан, мөн хаягжилтын асуудлыг хэлэлцэж, одоо нэгдсэн нэг хаягтай болох тухай санал бодлоо солилцлоо.
Дэлгэрэнгүй

7 хоногийн үнийн мэдээ
/2019 оны 09-р сарын 011-ны байдлаар/
Нэр төрөл Үнэ /төг/
Гурил, I зэрэг, кг 1200
Хонины мах, кг 7000
Үхрийн мах, кг 9000
Ямааны ястай мах, кг 6000
Элсэн чихэр, кг 2000
Цагаан будаа, кг 2200
Шингэн сүү, л 2000
Ноолуур, кг -
Бензин, А-80 1860
Бензин, А-92 1900
Дизелийн түлш 2480